Մենթալ թվաբանության օլիմպիադա-2018

2-րդ <<գ>> դասարանի սովորող Ալեքսանդր Հայրապետյանը, մասնակցելով ք. Սոչիում կայացած մենթալ թվաբանության օլիմպիադային, զբաղեցրել է 3-րդ հորիզոնականը: Շնորհավորում ենք նրան և մաղթում նորանոր հաջողություններ:

Գրադարանային անցուդարձ…

Գրադարանային անցուդարձ…
Այսօր Ալ.Մյասնիկյանի անվ. հ.66 հիմնական դպրոցի 4-րդ դասարանի լավագույն նկարների հեղինակները,որոնք պատկերել էին Ն.Փաշինյանի <<Չար տնակի հեքիաթը>>գրքի հերոսներին, պարգևատրվեցին պատվոգրերով գրադարանի տնօրենի կողմից…
Այն փոքրիկներին սիրով հանձնեց դպրոցի տնօրեն՝ Նաիրա Հակոբյանը:

Երևանագիտություն

Եվս մեկ ուրախալի և հպարտություն առաջացնող լուր. Երևանի Ալ. Մյասնիկյանի անվան հ. 66 հիմնական դպրոցի <<Երևանցիներ>> թիմը Երևանի Չարենցի անվան հ. 67 դպրոցում մասնակցեց <<Երևանագիտություն>> մրցույթ-վիկտորինայի եզրափակիչ՝ քաղաքային փուլին, ու թեժ և անզիջում պայքարի արդյունքում մեր երեխաները գրավեցին 1-ին պատվավոր տեղը: Երևանի քաղաքապետարանի կողմից աշակերտները պարգևատրվեցին <<Երևանյան էսքիզներ>> հետաքրքրաշարժ ու պատկերազարդ գրքերով, իսկ դպրոցը՝ պատվոգրով և համակարգչով /նոթբուք/: Տեսնել էր պետք աշակերտների մեծ խանդավառությունն իրենց քաղաքի պատմության հարցում ձեռք բերած գիտելիքների և հաղթանակի առիթով: Ի դեպ, Հանրային ռադիոն հաղթող աշակերտներին հրավիրել է հարցազրույցի իրենց ուսուցչի՝ տիկին Թադևոսյանի հետ միասին: Շնորհավորում ենք մեր թիմին և տիկին Թադևոսյանին ձեռք բերած հաղթանակի կապակցությամբ և մաղթում նորանոր հաջողություններ և նվաճումներ:

Խաղ-մրցույթ Էրեբունի-Երևան — 2800

Երևանի Ավետիք Իսահակյանի անվան կենտրոնական գրադարանը Երևան քաղաքի պատմության թանգարանի հետ համատեղ հոկտեմբերի 4-ին անցկացրեց «Էրեբունի-Երևան – 2800» խաղ-մրցույթը, որին մասնակցեց նաև «Երևան դարձած իմ Էրեբունի» կարգախոսով Ալ. Մյասնիկյանի անվան հ. 66 հիմնական դպրոցի <<Երևանցիներ>> թիմը` <<Դու իմն ես, Երևան>> կարգախոսով: Թեժ պայքարից հետո մեր աշակերտները գրավեցին երկրորդ պատվավոր տեղը : Թիմի հինգ անդամներ Միլենան, Կարինան, Յանան, Մանեն և Հարությունը խրախուսվեցին ` ստանալով զանազան նվերներ:
Հարցերն առնչվել են մայրաքաղաքի հիմնադրմանը և պատմությանը: Խաղ-մրցույթի հանձնախմբի անդամները շնորհավորեցին թիմերին և ընդգծեցին, որ մայրաքաղաքի 2800-ամյա պատմության մասին գիտելիքների պաշարը սերունդներին փոխանցելը կարևոր առաքելություն է:

04.10.2018թ.

<<Կրթության բարելավում>> ծրագրի շրջանակներում Երևանի Ալ. Մյասնիկյանի անվան հ. 66 հիմնական դպրոցում հանդիսավոր կերպով բացվեց նախակրթարան՝ 2013թ.-ին ծնված երեխաների ուսուցման, կատարելագործման նպատակներով: Մանուկներին առավոտվանից սպասում էին հեքիաթի հերոսները, ուրախ տրամադրությունն ապահովող երաժշտությունը, դպրոցի տարրական դասարանների սաների՝ մեծ պատասխանատվությամբ պատրաստած համերգային համարները, որոնց նպատակն էր ապահովել մեր փոքրիկների ուրախ նորամուտը դպրոցի նախակրթարան, ինչը միտված է զարգացնել նրանց տրամաբանությունը, յուրովի կրթվելու և այլ հմտություններ ձեռք բերելու ազնիվ գործին: Փոքրիկներն ու նրանց ծնողները ոգևորված էին, հիացած խաղասենյակի և դասասենյակի ճաշակով և հոգատարությամբ կատարած ձևավորումով և տնօրինության ու մանկավարժական կոլեկտիվի հյուրընկալ մոտեցմամբ:

Մեծ Մարդասերը

Արդեն երկրորդ օրն է Ալ. Մյասնիկյանի անվ. հ. 66 հիմնական դպրոցի ողջ աշակերտությունը և մանկավարժական համախումբը, միանալով համազգային կորստի ցավին ու արտահայտելով իր խորին վշտակցությունը, հարգում է Մեծ Մարդասերի, Մեծ Հայի ու Մեծ Հայրենասերի հիշատակը:

Անկախություն 27

Երևանի Ալ. Մյասնիկյանի անվան հ. 66 հիմնական դպրոցի 8-րդ դասարանների աշակերտները, քաջ գիտակցելով անձնազոհ ու նվիրյալ ազատամարտիկների ու զինվորների սխրանքն ու մեծությունը, խորին հարգանքով որոշեցին իրենց սրտի խոսքն ասել զոհված մեր հերոսներին՝ այցելելով Եռաբլուր ու ծաղիկներ դնելով նրանց լուսավոր շիրիմներին: Աշակերտների մոտ կար հարգանքի և պատասխանատվության բարձր գիտակցում:

Երևանագիտություն

Սեպտեմբերի 19-ին Ալ. Մյասնիկյանի անվ. հ. 66 հիմնական դպրոցում մեկնարկեց մեր սիրելի մայրաքաղաք Երևանին նվիրված մրցույթը,որում Երևանի մասին ունեցած գիտելիքներով իրենց ուժերն էին չափում Շենգավիթ վարչական շրջանի 5 դպրոցների աշակերտներից ձևավորված թիմերը: Հաճելի է նշել, որ մրցույթում լավագույն արդյունքներով հանդես եկավ հենց մեր դպրոցի «Արիներ» թիմը: Կեցցե’ք երեխաներ